تصميم استديو منزلي :
تصميم استديو منزلي : اذا عندك منتجات وحاب تصورها اكيد تحتاج كورنر تصوير بأقل التكاليف وأفضل الحلول وبنفس الوقت ما تأثر على تصميم بيتك في هذه المقالة كل اللي تحتاج تعرفه عن طريقة خلق استديو تصوير منزلي مبتكر :
اولا يعتمد ركن التصوير المناسب على حجم المنتجات اللي بتصورها ، بالإضافة إلى ميزانيتك المحددة مثلا تجيب حامل و تضيف عليه قماش الكتان ويعطيك الخلفية الجمالية ويبرز المنتج .
و ممكن يكون القطعه المضافه للحامل عبارة عن جلد أو ورق ( وزي ماقلنا يعتمد على المنتج )
بما ان الطراز الدارج الان البوهيمي ممكن يكون القماش اللي بالحامل قماش يوحي لنا بالستايل البوهيمي بحيث يكون ركن جمالي بالبيت وما نضطر نشيله ..
اذا كنت نادرا ما تحتاج ركن التصوير .. فممكن تسوي حامل متحرك بحيث يكون الحامل ب كفرات او قابل للطي يعني تستعمله وقت الحاجه وترفعه للمستودع سواء حامل معدني او خشبي ..
طيب واللي ما عنده ميزانية يسوي حامل او يجيب اقمشة ووو… الخ الحل استعمال الموجود مثلا طرف الستارة من الأسفل او ركن جمالي بالبيت مع بعض الإضافات من الإكسسوارت .
واخر شي المفضلة عندنا زي كل مره في ثريداتنا.. وهو إعادة تدوير قطعه قديمة بالبيت مثل إطار لوحة او باب قديم مع إضافة اكسسوارات من اقمشة وفازات او وورد ..
